मिरजगावमध्ये ३६ वर्षीय तरुणाची आत्महत्या; दोघांविरुद्ध गुन्हा दाखल !

ता.कर्जत (मिरजगाव) : तालुक्यातील मिरजगाव येथील शाहूनगर परिसरात धम्मसागर तुकाराम घोडके (वय ३६) यांनी २५ ऑक्टोबर २०२६ रोजी रात्री आत्महत्या केल्याची घटना समोर आली आहे. या प्रकरणी त्यांची आई विजया तुकाराम घोडके (वय५२) यांच्या फिर्यादीवरून शांताराम ऊर्फ संग्राम बापू घोडके आणि पूजा धम्मसागर घोडके या दोघांविरुद्ध मिरजगाव पोलीस ठाण्यात गुन्हा दाखल करण्यात आला आहे. फिर्यादीनुसार, कथित अनैतिक संबंधांच्या प्रकरणातून धम्मसागर यांना मानसिक त्रास देण्यात आला होता. तसेच कुकडी नदीजवळ मारहाण झाल्याचाही आरोप करण्यात आला आहे. या त्रासाला कंटाळून त्यांनी आत्महत्या केल्याचे फिर्यादीत नमूद आहे. याप्रकरणी २६ ऑक्टोबर रोजी भारतीय न्याय संहितेच्या कलम १०८, ११५(२), ३५२, ३५१(२),३५२ आणि ३(५) अन्वये गुन्हा दाखल करण्यात आला आहे. सहायक पोलीस निरीक्षक विजय झंजाड पुढील तपास करीत आहेत. गुन्हा दाखल झाला त्या वेळी आरोपींच्या अटकेची नोंद नव्हती. आरोपांची सत्यता तपासानंतर स्पष्ट होणार आहे.