गोव्यात हृदयविकाराच्या झटक्याने ज्येष्ठ अभिनेते नाना पाटेकर यांचे निधन!

बोला रोखठोक :- ज्येष्ठ अभिनेते आणि दिग्दर्शक नाना पाटेकर यांचे वयाच्या ७५व्या वर्षी निधन झाले. गुरुवारी पहाटे गोव्यातील डोना पाउला येथील त्यांच्या निवासस्थानी त्यांना तीव्र हृदयविकाराचा झटका आला. त्यानंतर त्यांना तातडीने मणिपाल रुग्णालयात दाखल करण्यात आले.

रुग्णालयात डॉक्टरांनी सुमारे ४५ मिनिटे CPR देऊन त्यांना वाचवण्याचा प्रयत्न केला, मात्र उपचारांना प्रतिसाद न मिळाल्याने पहाटे ५.२० वाजता त्यांना मृत घोषित करण्यात आले. या घटनेप्रकरणी मेडिको-लीगल केस नोंदवण्यात आली असून पुढील वैद्यकीय प्रक्रिया करण्यात येणार आहे.

मराठी आणि हिंदी चित्रपटसृष्टीत आपल्या दमदार अभिनयाने वेगळी ओळख निर्माण करणाऱ्या नाना पाटेकर यांच्या निधनाने चित्रपटसृष्टीसह त्यांच्या असंख्य चाहत्यांवर शोककळा पसरली आहे. ‘क्रांतिवीर’, ‘परिंदा’, ‘अग्निसाक्षी’, ‘अब तक छप्पन’ यांसारख्या चित्रपटांमधील त्यांच्या भूमिका आजही प्रेक्षकांच्या स्मरणात आहेत.